Bakı şəhəri Tofiq İsmayılov adına 6 nömrəli məktəbdə “Müasir metodik xidmətin təşkili” layihəsi çərçivəsində metodist fəaliyyətə başlayıb.
Məktəbin direktoru Gülşən Orucova “Müasir metodik xidmətin təşkili”layihəsi çərçivəsində 6 nömrəli məktəbdə metodik xidmət göstərəcək olan məktəbin İbtidai sinif müəllimi metodist Səbinə Məcidovanı müəllim heyətinə təqdim edərək təbrik edib və işlərində uğurlar arzulayıb.
Qeyd edək ki, Məktəbəqədər və Ümumi Təhsil üzrə Dövlət Agentliyinin və Azərbaycan Respublikasının Təhsil İnstitutunun birgə həyata keçirdiyi layihənin məqsədi təhsilverənlərin metodiki və pedaqoji bacarıqlarını inkişaf etdirmək, onlara bu istiqamətdə dəstək göstərməkdir.
